Luigi Bisignani
San Donato di Ninea 17-12-2024
Minùcciu bbì cùnta cùmu ghèramuu:
Ù parlàtu antìcu.
‘Ntò mìsi i màju dò 1953, quànnu ccù dòn Francìscu Mònacu ccì facièj à sìcùnna de’ lementàri, prìmu ì chjùdi l’anno ì scòla ù màstru nnà cummannàtu i gìrià ù paìsi e jì addhùnni à ggènti cchjù grànni ed’addimmannà s’aviènu ammènti e nnì putiènu da cùntu d’è paròli c’òggusàvanu cchjù.
‘Nn’àvìama scrìvi tùttu quìru chi nnì vinìa dìttu, c’àll’ànnu dòppu nnìcciavèra dìttu tùttu quìru chi cc’èra dda sàpi sùpa ù parlàtu, ed’ammacàru ù ppìcchi e ru piccùmi i quìri paròli antìchi, cà d’à parlàta ghèranu cadùti.
Òll’àju affirràtu sùbbitu tùttu quìru chì, sùpa e sùtta, cc’èradi ntò cummànnu i don Francìscu, nnè ù putìaj fà, c’à sett’ànni màncadi abbòja rròbba àri cièrivi pp’arrivà a ffà ssà pinzàta.
Nùi quatràri quìru c’avìamu a fà, l’àmu fàttu, però dà còsa pùa onn’àmu fàttu nènti e ghè rimàsta fèrma ppìcchi, l’ànnu doppu a don Francìscu ddh’ànu dàtu nà prìma ed’annùj ì quìra sicùnna, ppì ffà à tèrza nn’ànu spèrsu ccù g’àti màstri.
Gànni dòppu, dicìmu nà cinquantìna, g’àju gashjàtu ù librèttu addhùvi avìa scrìttu tutti ì paròli antìchi e cèrca, pròva e ripròva, pirdiènnuci ancun’ànnu, gàju lèstu quìru chi don Francìscu nn’avìa cummannàtu, ed’àju pùru affirràtu quìru cchì cc’èra ntò “vizinièttu i storia” c’ù màstru nnì vulìa fà scupirchià e capìsci. Continua a leggere